Tonen 5 resultaat en)
auteurs

Puwema van Celestine Raalte: Uma Keba

Uma kaba

629-_ULP6219

Manboy opo tenapu
Mek’ mi naki anu gi yu
fu puru yu na ini na fa-fu-du-libi
alakondre angisa m’ e bradi
Fu opo yu yeye

Uma kaba kaba f’ e dreygi
e tanter’ mi manboy
gi en lespeki,
bika ‘a kabra d’ e tyari en
ben tay tu na anu nanga futu

pansboko ensrefi b’ e kisi
f’ waki fa basya b’ e bradi ensrefi
f’ kroypi go na ini yu mindrifutu
a no ben man fu bari

en mofo ben sroto nomo
f’ a ben kan tan na libi
f’ dresi, frifi den soro
di basya ben gwe libi gi yu

uma kaba f’ e tyar’ prati
f’ di yu abi bray-doksi
nanga pompeya
yu kisi leri di mi no kisi
ma a kat’fisi di mi nyan
a no kiri mi

mi na aneysi wwiri mi ben abi lek’ sopo
ma bromki m’ e fruga lontu mi manboy
bika mi ondrofeni tak’ lobi
e dresi malengri

yu b’ e libi na ini weti-ston-oso
ma mi pras’oso graniwan
leri mi san na a warti fu libi
a skoro dat’ yu misi

mi broko-skotu-planga-oso
b’ e gi mi okasi f’ troki
‘anga den star’ a fermamenti

munkenki b’ e mena mi kuneti
wan switi morgu na fosi lafu f’ son
b’ e winsi mi bifosi mi
opo f’ gwe libi mi udu gaba

mama fu libi bosi mi ati
mi sabi uma warti
mi sabi den krakti

uma kaba f’ e spenkispenki
nanga brenkibrenki f’ kor’
mi manboy en sraften krabyasi

kaba f’ e dans’ barmaske
nanga na fesi
di e banawtu yu yeye

uma n’ e dreygi n’ e tanteri
bika malengri manboy e tyari
takru-fesi-siri kon panya
gi den uma pikin di wi lobi so tranga

uma krin pasi gi wi gran pikin
mek’ wi teri
mek’ wi no frodyadya
den manboy…

 

Celestine Raalte

lezen Nieuw Studentenpagina

Jeugdproject van start: We schrijven ons eigen boek

Schrijversvakschool start specifiek schrijfprogramma voor kinderen   Kinderen in de leeftijd van 9-14 jaar kunnen eindelijk op structurele basis lessen in creatief schrijven volgen op de Schrijversvakschool. Dit programma is speciaal voor hen opgezet, omdat de vraag naar continuïteit bleef binnenkomen van ouders en kinderen zelf. Dit project, goedgekeurd door de Ambassade van het Koninkrijk …