Leri fu teri uma – Sranan gedicht van Celestine Raalte

 

Leri fu teri uma

 

Mi uma

 

Efu mi ben de wan mansma

mi b’ o sabi tak’ son ten umasma

e krey soso f’ krey, lek’ fa pikolèt

e singi soso f’ singi

 

te mi uma e krey soso f’ krey

mi b’ o bay stanfasti gi en

wasi en nanga switiwatra fu fayalobi

yanponika nanga lafendri

 

te atisoro e meki a e krey

mi b’ o gi en kowru watra f’ dringi

saka sdon kaka yesi arki bun

te a e fruteri mi san e moro en

 

ma te a e taki nanga tapumofo

mi sa opo a heri de di mi de

fu sabi o ten mi musu brasa en

fu a firi mi krakti, firi mi waran

 

efu mi ben de wan mansma, umasma

no b’ o man seri siksi fu neygi gi mi

ma mi b’ o lespeki mi uma leki mi akra.

 

CELESTINE M. RAALTE

Geef een reactie

Het e-mailadres wordt niet gepubliceerd. Vereiste velden zijn gemarkeerd met *