Kunstwerk Ro Heilbron
Saka furu nanga aleysi
ala so weri na yu wawan baka
yu ay gersi weti-alen
yu frede f’ opo garden
na bro yu mus’ ari bro sisa
ari bro mi gudu, ari dipi bro
soktu den firi komoto k’ a doro
bro mi gudu, ari bro
opo yu fensre, opo yarsin
kakafowru e kokodiyako
pikinfowru e tyelingo
monalisa nanga yanponika
fruga boketi spesrutu gi yu
opo y’ fensre gudu, opo y’ yarsin
na bro yu mus’ bro sisa
ari bro mi gudu, ari dipi bro
soktu den firi komoto k‘ a doro
bro mi gudu ari bro.
Celestine Raalte
