Drenkondre een gedicht

Drenkondre een gedicht
son tin drenkondre
y’e e tek mi sondro mi wani
waka tya mi go na ini den dungru uku
fu yu presi
mek mi si dededwanfesi
di no ab boskopu,
di e luku nomonomo
na so y’e gi boskopu?
dedewan ini den weti krosi
kon moksi nanga wan bukusmeri san e lonto den
in wan owru udu brokobroko oso
pe fremusu e prisiri
na so y’e gi boskopu?
y’e mek mi wiki nanga gro skin
tan hori mi prakseri her’dey
aksi mi srefi san sa waka kon mit mi
na so y’e gi boskopu dis musdey manten?
25/8/21
RSAJ

Geef een reactie

Het e-mailadres wordt niet gepubliceerd. Vereiste velden zijn gemarkeerd met *